James Clearning “Atomic habits” kitobi odatlarni to’g’ri shakllantirish va bu orqali samaradorlikka erishish hamda hayotingizni tamomila yaxshi tomonga o’zgartirish uchun ajoyib kitob. Quyida ushbu kitobdan nimalarni olish mumkinligi haqida qisqacha eslatib o’tmoqchimiz. Kitobni o’qiganlarga eslatma, o’qimaganlarga esa tavsiya.

▫️ Sizning natijalaringiz odatlaringiz mahsuli. Yaxshiroq odatlar = yaxshiroq natijalar.

▫️ Har kuni 1% bo’lsa ham yaxshilanishga e’tibor qarating. Buni muntazam qilsangiz, natijalar ulkan bo’ladi.

▫️ Kelajakda kim bo’lishni xohlashingiz haqida yaxshilab o’ylang.

▫️ Har bir harakat va odatingiz kelajakda kim bo’lishingiz uchun tashlangan qadamdir.

▫️ Yangi odatlar aniq, oson, jozibali bo’lishi va qoniqish hissi uyg’otishi kerak.

▫️ Yangi odatni shakllanishi uchun mos muhit yarating.

▫️ Siz o’zingizda shakllantirmoqchi bo’lgan odatlarga ega insonlar atrofida bo’ling.

▫️ Kichik g’alabalar uchun o’zingizni rag’batlantiring.

▫️ Progressingizni o’lchab boring.