1-qoida: Hech qachon pulingni yo’qotma.
2-qoida: Hech qachon 1-qoidani unutma.

Bu qoidalar aksiyalarga investitsiya qilish haqida bo’lib, Warren Buffett aytgan mashhur iboralardan biri. Lekin qanday qilib pulni yo’qotmaslik mumkin? Buffettning o’zi ham 2008-yilgi moliyaviy inqirozda $23 milliardga yaqin pulini yo’qotgan… Xo’sh, unda Buffett bu qoidalar bilan nima demoqchi?

Buffettning 1-qoida haqida aytgan fikrlarini o’rganib chiqib, bu qoida aslida investor uchun quyidagilarni anglatadi deyishimiz mumkin:

• Spekulyatsiya qilmang va investitsiyaga qimor kabi qaramang.
• Aksiyani haqiqiy qiymatidan arzon bo’lganda sotib oling.
• Biror kimni fikriga shunchaki ishonib investitsiya qilmang.
• Kompaniya haqida to’liq ma’lumotga ega bo’ling.
• O’zingiz yaxshi tushunmaydigan faoliyat turlariga pul kiritmang.
• Fundamental tahlilga e’tibor bering.

Ha, “Hech qachon pulingni yo’qotma” degan gapning tagida shuncha ma’no bor. Shuning uchun ham bu qoida Buffett doim amal qiladigan #1 qoida. 2-qoida esa 1-qoidani muhim ekanligini yana bir bor ta’kidlaydi.